للمشاريع والمتاجر الصغيرة · الأردن

بدل «السعر بالخاص»،
متجر باسم مشروعك

الزبون بيشوف المنتجات بأسعارها، وبيضيف للسلة، وبيطلب. والطلب بيوصلك مرتب بالعنوان والمبلغ، وبتتابع الشحن من لوحة وحدة. كله باسم مشروعك وألوانه.

اطلب ديمو للمتجر شوف كيف بيشتغل

بدون عمولة على المبيعاتطلبات من كل المحافظاتبتجرّبه قبل ما تدفع

إذا هاد يومك بالمشروع…

هاي أكثر أربع شغلات بنسمعها من اللي بيبيعوا على إنستغرام.

«السعر بالخاص»

نص الرسائل أسئلة عن السعر والمقاسات، وكثير منهم بيسألوا وبيختفوا.

الطلبات بالرسائل

العنوان برسالة، والمقاس برسالة، والدفع بصورة إيصال. وسهل يضيع إشي.

شو اللي بيبيع؟

أي منتج أكثر طلب؟ من أي مدينة؟ كله بالتقدير.

الزبون بدّه يطمّن

الناس بتثق بمتجر إله اسم ورابط أكثر من حساب إنستغرام بس.

كيف بيشتري الزبون

ثلاث خطوات من موبايله، بدون ما يسألك ولا سؤال.

1بيتصفح المنتجات

بالصور والأسعار والمقاسات.

2بيضيف للسلة ويطلب

بيكتب عنوانه ورقمه، وبيختار طريقة الدفع اللي بتوفّرها.

3بيوصله تأكيد على واتساب

وبيعرف وين صار طلبه لحد ما يوصله.

وإنت، شو بتشوف؟

المتجر كله من لوحة وحدة.

الطلبات وحالتهاجديد، انشحن، بالطريق، وصل.
المنتجات والمخزونبتضيف منتج أو بتسكّر مقاس خلص بلحظة.
المبيعاتكم بعت هالأسبوع، وأكثر منتج طلب.
عناوين جاهزة للشحنكل طلب مع عنوانه ورقمه، جاهز لشركة التوصيل.
طرق دفع حسب بلدكمنضيف اللي بيناسبك، زي الدفع عند الاستلام.
بالعربي والإنجليزيللزباين بالأردن وبرا.

نموذج: زيتونة

نموذج تجريبي بنيناه عشان تشوف الفكرة. مشروعك بياخد اسمه وألوانه وخطه، مش قالب جاهز.

05المتاجر الإلكترونيةنموذج تجريبي

زيتونةZAYTOUNA OLIVE CO.

عجلون · توصيل لكل الأردن

متجر زيت زيتون من عجلون. منتجات وسلة ودفع، والطلبات بتنشحن لكل الأردن وبتتابعها من لوحة وحدة.

منتجات، سلة، دفع، ومتابعة الطلبات من لوحة وحدة.

Aref Ruqaa

مبيعات الأسبوع+18%

1,240 د.أ

3192إربدزيت بكر · 2 لتربالطريق

3191الزرقاءتنكة 16 لترانشحن

زيتونة

زيت زيتون بكر ممتازعصرة أولى · كروم عجلون 2026

نص لترلترتنكة 16 لتر

9.00 د.أ− 1 +

أضف للسلة

الشحن لكل المحافظات

الطلب بيوصلك مرتب، مش برسائل

كل طلب بيوصلك على اللوحة وعلى واتساب: المنتجات، والمقاسات، والعنوان، والمبلغ. ما في داعي تسأل الزبون عن إشي.

والزبون بيوصله تأكيد طلبه على واتساب، من حساب أعمال باسم مشروعك عن طريق منصة ميتا الرسمية.

جرّبه قبل ما تدفع

ابعتلنا اسم مشروعك وحساب الإنستغرام، ومنجهّزلك متجر شغّال بمنتجاتك وألوانك ومنبعتلك رابطه. إذا عجبك منكمّل، وإذا لا بتسكّر الرابط وما بتدفع شي.

ابعتلنا عن مشروعك

أسئلة المتاجر

في عمولة على المبيعات؟

لا. بتدفع اشتراك شهري ثابت، وكل المبيعات إلك.

شو طرق الدفع؟

الدفع عند الاستلام متوفر دائماً، وإذا بدك دفع إلكتروني منحكي عن الخيارات المتاحة ببلدك.

بقدر أضيف المنتجات لحالي؟

آه. من اللوحة بتضيف المنتج بصوره وسعره ومقاساته، وبيظهر بالمتجر على طول.

التوصيل مين بيعمله؟

إنت أو شركة التوصيل اللي بتشتغل معها. النظام بيرتّبلك الطلبات والعناوين، وبيحدّث حالة الطلب للزبون.

بيضل حسابي على إنستغرام؟

أكيد. بتحط رابط المتجر بالبايو، والزبون بيطلب منه بدل الرسائل.

كيف بعرف إنه بيناسبني؟

منجهّزلك نسخة شغّالة باسم مشروعك وألوانه، وبتجرّبها على موبايلك قبل ما تدفع أي إشي.

بدل «السعر بالخاص»،متجر باسم مشروعك